فرحة يديدة إماراتية

مبروووووووووووك يالابيض







قمة الفرحة والفخر...



سواها المنتخب وفرح قلوبنا وشفنا علمنا يرفرف شرا قلوبنا ...







مبروك لمنتخب الامارات كأس آسيا للشباب..



ومنها إلى انجازات أكثر وأكثر...











ومنصور يالابيض...

تحية لباصي العزيز

ابييييييييييييييه سقى الله أيااااااام أوووول ...
الييوم يت فبالي أيام الجامعه ... طبعاً أنا ما مخلصه الجامعه من زمان بعدني ما كملت نص سنة ...
المهم ...أبا اخبركم عن أكثر شي فالجامعه مخزنتله (ستور ) ذكريات ...

((باص الجامعه))
..أروع شي واتعب شي ..
ومثل ما هو اكثر شي حبيته فالجامعه...
اتخيلوا ...هو واحد من الاشياء اللى عيفني الجامعه لانه نشة الصبح عوووفة خص الشتا ...معاناة بما تعنيها الكلمة..

عادي اصيح الصبح ما ابا انش :)

بس[[ ستل اتس فوول أف ميموريس ... ]]
من دريول الباص اللى كان يسويلنا رعب من كلامه وتعامله ويانا .. كان جدي وما يحب بزا البنات .. ويا كثر ما يفشلنا...
ونسمي باصه قطار الموت لانه ما شاء الله محترف بس جريئ شوي فاللفات ويسرع وايد ... ومايعرف دوار ولا مطبة ... وما نفكر مجرد تفكير أنه ندرس فالباص لانه بيسويلنا ارتجاج فالمج لانه ما نعرف نركز فشي أبداً...

والحلو في الباص انه انكون شلة ونقعد الصبح ورا .. ونشل الباص فوق حدر ... حتى البنات اللى جدام يقوللنا كيف ترمسن الصبح!!! المهم نحن بهالطريقة كنا نطير الرقاد ونرتبش ... عشان ندخل أول كلاس [وذ مور بور] ... والعووف انه هالشلة قامت اتقل لين انعدمت ... بس بعده يبقة مين نقعد وياه فالباص بحكم أنه انكون فآخر كرسي .. واللى ايي ورا ورا يعنى يبا يرتبش فنسولف...
لا وكنا انييب ريوقنا نادرا أوالعلوج والحلاوة ...
روعه الباص على قد ما كان يتعبنا... بس جد كنا نفضله أكثرمن السيارة ...
وهوه الله تارس ذاكرتي بالذكريات والمواقف الحلوة ...
اللى بيي يوم وقوللكم مقتطفات منها ...